Գնահատեք բժիշկ Նարեկ Մելքոնյանին
Բժիշկ Նարեկ Մելքոնյանի Գնահատականները
Բժշկի մասին իմացել ենք ինտերնետում ուռոլոգ փնտրելով: Լավ կարծիքներ կարդացինք և դիմել ենք բժշկին: Անչափ գոհ ենք: Շատ լավ մարդ է իր տեսակով, հետազոտվեցինք, անձամբ մեզ հետազոտեց, սոնոգրաֆիա իրականացրեց, էկրանին մանրամասն բացատրեց: Ես, որ սոնոգրաֆիայից ընդհանրապես տեղյակ չէի, հիմա մի քիչ հասկանում եմ գոնե որտեղ է երիկամս ու իրենից ինչ է ներկայացնում էկրանի վրա՝ չնայած բազմաթիվ անգամներ անցել եմ այդ հետազոտությունը: Հետազոտության ժամանակ բժիշկը ասաց, որ քարս չափերով փոքր է ու ինքնուրույն ընկնելու հավանականությունը շատ մեծ է, ու այդպես էլ եղավ, մի քանի օրից քարս ընկավ բուժման ֆոնին: Այնպես որ մենակ դրական բաներ կարող ենք ասել բժշկի մասին, հանգիստ կարող եք դիմել, չեք փոշմանի:
Մեր ողջ ազգի բժիշկն է բժիշկ Նարեկը: Ինչ խնդիր լինի դիմում ենք նրան, միշտ օգնել է ու միշտ օգնում է: Կապ չունի իր մասնագիտականի հետ կապ ունի թե չէ: Սրտացավ է, ազնիվ է, գրագետ է: Մեր շփումը սկսվել է 8 տարի առաջ, երբ շտապ օգնությամբ բերեցին հանրապետական հիվանդանոց, ինքը հերթապահ ուրոլոգն էր: Ցավերից դուրս բերեց հետո էլ նշանակեց բուժում, քարս ընկավ: Դրանից հետո ինչ լինի իրան ենք դիմում:
Տղաս ինձ համար ուրոլոգ գտավ այս էջի օգնությամբ, որից հետո դիմեցինք բժշկին: Պետք է միանգամից ասել, որ այն ինչ գրված է բժշկի մասին, համապատասխանում է իրականությանը և միգուցե մի բան էլ ավելին պետք է գրված լիներ: Կրթված, դաստիարակված տղա է, զգացվում է, որ լավ ընտանիքի զավակ է: Որպես բժիշկ կարդացած է, ինֆորմացված, բոլոր հարցերին պատասխանում է, պետք լինի երկրորդ երրորդ անգամ է կրկնում: Ես պրոստատի ադենոմայի կապակցությամբ եմ դիմել, հետազոտվել եմ, պետք է վիրահատվեմ ու արդեն պարզ է, որ բժիշկ Նարեկն է վիրահատելու... դեռ դեղորայք եմ օգտագործում: Կայքին էլ շնորհակալ ենք, որ իսկապես ճիշտ ինֆորմացիա է ներկայացված բժիշկների մասին: Աստված առողջություն տա բոլորիս
Ասեմ որ բժշկի համարն իմացել եմ այս էջից և միանգամից գնացել ենք իր մոտ (առանց բժշկին ծանոթ կամ ճանաչող փնտրելու, ինչպես որ անում ենք մենք հայերս)): Ընդունեց հարազատի պես, խորհրդատվությունը անցկացրեց շատ բարձրակարգ ձևով՝ մանավանդ որ համեմատում եմ նույն խնդրով այլ բժշկի հետ խորհրդատվությանը։ Մանրամասն՝ առանց ժամանակը խնայելու, նկարագրեց հիվանդությունը, ( անգամ գծագրեց շականակագեղձի փոփոխությունը )): Շատ վստահելի, բանիմաց և դրական անձնավորություն է։
Աստծո օրհնությունը բժիշկ Մելքոնյանին ու իր եղբորը, ով նույնպես ուրոլոգ է։ Երկու եղբայր են, երկու լույս մեր դժգույն օրերում։ Շնորհակալ ենք մեր ողջ ընտանիքի կողմից նրանց ծնողներին, որ նման ազգանվեր տղաներ են մեծացրել։ Փրկել են մորս կյանքը, ով չնայած պատկառելի տարիքին արդեն տարուց ավել է մեր կողքին է ու ամեն օր օրհնում է մեր երիտասարդ բժիշկներին։ Մայրս ցավեր ունեցավ մեջքի շրջանում, սոնոգրաֆիա արեցինք պոլիկլինիկայում, հայտնաբերվեց երիկամի քաղցկեղ ու պոլիկլինիկայի բժիշկը մեզ խորհուրդ տվեց դիմել ուրոլոգի։ Մեր պոլիկլինիկայում ուրոլոգ չկա, մեզ քիչ խորթ ասպարեզ էր ու այդպես սկսեցինք պտտվել տարբեր հիվանդանոցներով։ Մորս տարիքը մեծ է, չցանկացանք կտրվածքով ու ծանր վիրահատությունից հետո ընթացք ունենալ։ Մայրս նախկինում վիրահատված էր, դրա համար շատերը հրաժարվեցին վիրահատել էնդոսկոպիկ, այսինքն ոչ կտրվածքով, մի խոսքով լսեցինք լիքը կարծիք, նույնիսկ ասացին հնարավոր չի առանց կտրվածք ու շատ բարդ ներկայացվեց։ Երևի բախտի բան էր, լսեցինք եղայրների մասին։ Բժիշկ նարեկը մեր հետազոտությունները նայեց, ասաց, որ կանեն ու եղբոր հետ փակ եղանակով վիրահատությունը արեցին։ Մայրս երրորդ օրը տանն էր արդեն, մեր կողքին։ Երախտիքի խոսքերը քիչ են։ Ուղղակի շնորհակալ ենք։ Աստված ձեզ երկուսիդ պահապան տղաներ։
| Տեղադրվել է 3/16/2023