Գրանցվել |
Մուտք | Գրանցվել Որպես Բժիշկ

Գնահատեք բժիշկ Անուշ Ալեքսանյանին

Բժիշկ Անուշ Ալեքսանյանի Գնահատականները

5
Անձ
5
Ճշտապահ
5
Արդյունք
5
Գիտելիք

Ես ուրախ եմ երաշխավորել Անուշ Ալեքսանյանին որպես հոգեբանի: Մեր կյանքում բացասական փոփոխությունները միանգամից չեն կատարվում: Դրանք հաճախ կյանքի տարբեր իրադարձությունների հետևանք են, որոնք ինչ-որ պահի սկսում են արտահայտվել: Անուշի օգնությամբ հաղթահարել եմ իմ կյանքի բարդ շրջաններից մեկը: Ավելին, կարող եմ ասել, որ ոչ միայն հաղթահարել եմ իմ խնդիրները, այլ նաև զգալի նվաճումներ եմ ունեցել կյանքում այս ընթացքում: Անուշի աշխատանքի հետևանքով ոչ միայն լուծվել են ինձ անհանգստացնող հարցերը, այլ նաև զարգացրել եմ ինքնավելուծության հմտություններս: Ես շատ կուզենայի, որ մարդիկ հոգեբանի դիմեն ոչ միայն այն ժամանակ, երբ ամեն ինչ շատ վատ է, այլ նաև այն ժամանակ, երբ մտածում են իրենց հմտությունները զարգացնելու մասին կամ կյանքի ցանկացած անցումային շրջանում: Ես հասկացել եմ, որ կյանքի իրադարձությունները չեն որոշում մեր երջանիկ կամ դժբախտ լինելը, այլ հակառակը՝ մեր ներքին ապրումները ազդում են կյանքի իրադարձությունների վրա: Հոգ տարեք Ձեր հոգեկան առողջության մասին և կտեսնեք, թե որքան եք սիրում ինքներդ Ձեզ, Ձեր կյանքը ու աշխարհը:

| Տեղադրվել է 5/4/2020


5
Անձ
5
Ճշտապահ
5
Արդյունք
5
Գիտելիք

Ես Անուշի գործունեությանը ծանոթացա վերջերս, այս կառանտինի ընթացքում, ուղիղ եթերների միջոցով։ Գիտե՞ք՝ ոնց։ Մեկ շաբաթում նայեցի բոլոր ուղիղ եթերները ու ամեն եթերը նայելուց հետո ներքին հանգստություն ու խաղաղություն էի զգում։ Դրանք, առաջին հերթին, նոր գիտելիքի աղբյուր էին ու դրդում էին ինձ՝ վերլուծել իմ անցած կյանքը, իմ մտքերը, իմ քայլերը։ Ինձ համար դրանք հավասարազոր էին հոգեթերապիայի մի ամբողջ կուրսի ու ես շատ շնորհակալ եմ Ձեզ, Անուշ ջան, իմ գիտելիքի բացը լրացնելու համար։ Շնորհակալ եմ ոգեշնչելու ու դրական մտքեր հաղորդելու համար։ Միշտ հետևելու եմ Ձեր գործունեությանը 🧡

| Տեղադրվել է 5/3/2020

5
Անձ
5
Ճշտապահ
5
Արդյունք
5
Գիտելիք

Անուշի հետ աշխատել ենք մեկ ամիս, որից հետո նկատել եմ բազմաթիվ դրական փոփոխություններ: Խնդիրներս ներանձնային էին՝ վախեր, կպչուն մտքեր, կրկնվող տագնապային զգացողություններ: Շարունակ պայքարի մեջ էի ինքս ինձ հետ, ևայս ամենը չէր կարող բացասաբար չանդրադառնալ կյանքի որակի վրա: Շնորհակալ եմ շատ Անուշին, որ էս բոլոր տհաճ երևույթների մասին հիմա կարող եմ անցյալով խոսել: Համբերատար, անչափ հոգատար և ուշադիր մասնագետ, ով կարողանում է լսել և ում հետ ուզում ես անընդհատ խոսել: Անուշի դրական էներգիայի մասին բոլորը գիտեն )) Շատ հետաքրքրիր և ինֆորմատիվ են նաև Անուշի ֆեյսբուքյան ուղիղ եթերները, որոնց ամեն անգամ անհամբեր սպասում եմ: :)

| Տեղադրվել է 4/10/2020

5
Անձ
5
Ճշտապահ
5
Արդյունք
5
Գիտելիք

Նախ առաջինը ուզում եմ շնորհակալություն հայտնել Անուշին ինձ նորից կյանքի վերադարձնելու համար։ Լուսավոր պարզ հոգատար մարդ։ Երկար ժամանակ էր ինչ ունեի խնդիրներ ընտանիքում, ծնողների բաժանումից հետո անընդհատ վեճեր մայրիկիս հետ։ Փոքրուց եկած կոմպլեքսներ, այնքան էր խորացել այս վիճակը որ մտածում էի աշխարհի ամենադժբախտ մարդն եմ։ Եվ ինձ շատ մոտ ընկերոջ խորհրդով դիմեցի Անուշին։ Այցել եմ մոտ վեց - յոթ անգամ, ուզում եմ ասել ինչքան շատ եմ ես փոխվել, ինչքան լավ եմ ինձ զգում , կյանքի նկատմամբ վերաբերմունքս ամբողջովին փոխվել է ։ Երբեք չեմ մտածել որ ես կարող եմ այսքան ուրախ ու հանգիստ լինեմ։ Աննկարագրելի զգացողութուն է։

| Տեղադրվել է 3/11/2020

5
Անձ
5
Ճշտապահ
5
Արդյունք
5
Գիտելիք

Տարիներ առաջ ես դիմել եմ մի քանի հոգեբաների, որովհետև ունեի նևրոզ, ոչ մեկը չկարողացավ ինձ օգնել: Անգամ դիմել եմ ամենահայտնի ու ճանաչված հոգեբանին, որը ինձ ոչ թե օգնում էր, այլ նաև վախեցնում էր, որ դու էս բանը չանես, սենց կլինի, նենց կլինի: Մի անգամ էլ, բավական աշխատանքից հետո, ինձ ասեց դու իմ հիվանդը չես՝ մատնանշելով, որ հոգեբուժի կարիք ունեմ: Դրանից հետո շատ ավելի վատ էի զգում ինձ: Հետո գտա մեկ ուրիշ հոգեբանի, որին արդեն սովորել էի ու տարիներ էին անցել, թվում էր, թե լավ եմ, բայց իրականում ես էի աշխատում իմ վրա: Աղջիկս մի օր սարսափ ֆիլմ էր նայել ու վախեցել էր, աչքին գիշերը բաներ էին երևում, ու ես դիմեցի մի պրոֆեսիոնալ անձնակազմի որտեղ աշխատում էր Անուշ Ալեքսանյանը: Աղջիկս մի քանի օրից մոռացավ իր վախերի մասին: Հետո աղջկաս խնդիրների քննարկման ընթացքում Անուշը հասկացավ, որ ես ինքս տագնապային վիճակում եմ: Ու ես խնդրեցի մի քանի օր հանդիպենք: Ամեն օր աշխատելով ես հասկանում էի, որ ոչ մի մասնագետ չի գտել իմ մեջ այն ինչ այդքան տարիներ ինձ տանջել ու հանգիստ չի տվել: Ես կթվարկեմ իմ բոլր վախերը՝ ինքնաթիռ նստելու վախ, մենակ մնալու վախ, կեսուրի հետ ապրելու, քաղաքից դուրս գնալու, տնից հեռու լինելու, նոր բան փրձելու, օտար մարդկանց միջավայրում լինելու, մեքենա վարելու ու նման անթիվ անհամար ֆոբիաներ, որոնք սահմանափակում էին կյանքս ու ընտանիքիս կյանքը: Ինձ թվում էր, երբեք չեմ ազատվի էդ վախերից: Ես ունեի նաև տարիներով կուտակված վիրավորանքի ու բարկության զգացում, չէի ներում որոշ մարկանց: Հիմա ես ներել գիտեմ, ու նույնիս ունեմ հանգիտ ու լավ հարաբերություններ տվյալ մարդկանց հետ, շխատում եմ, մի քանի անգամ մեկնել եմ արտերկիր, ինքնաթիռում զգացել եմ ինձ ինչպես տաքսու մեջ, այնինչ դա անհաղթահարելի դժվարությւն էր թվում արդեն տարիներ շարունակ, մնում եմ մենակ և չեմ նկատում, ազատ այցելում եմ տարբեր հավաքների ու միջոցառումների, չունեմ բացարձակ տագնապի զգացում, ուրախ եմ ու ինձ վստահ եմ զգում, նոր նպատակներ եմ դնում և հասնում դրանց: Անուշի հետ իմ կյանքում շատ բան եմ փոխել և փոխում:

| Տեղադրվել է 2/5/2020

Բաժանորդագրվել նորություններին