Գնահատեք բժիշկ Լիլիթ Ոսկանյանին
Բժիշկ Լիլիթ Ոսկանյանի Գնահատականները
Բարեբախտաբար այս «բժշկուհու» հետ հանդիպումը չտարավ չարաբաստիկ վիրահատության ինչպես եղել է շատերի մոտ ու այս կայքի մեկնաբանությունները ինձ դրանում օգնեցին։ Ես էլ եմ գրում, որ գոնե որոշները կարողանան փրկել իրենց տեսողությունը այդ կոմերցիոն գործչից, ով մարդկային առողջությունը, աչքի լույսը ու մարդկային ճակատագրերը դարձրել է իր համար պարզապես բիզնեսի միջոց։ Ես այցելեցի նրան բարձր աչքերի ճնշման կասկածով, որը ինչպես մի շարք հետազոտությունների արդյունքում պարզվեց գլաուկոմա չէր, իսկ այդ «բիզնեսլեդին» միայն հիմնվելով բարձր ճնշման ցուցչի վրա, առանց մանրամասն հետազոտելու ախտորոշեց գլաուկոմա և առաջարկեց վիրահատել/շունտավորել այն դեպքում, որ նրա առաջարկած մեթոդը ինձ կարող էր հասցնել կուրության, քանի որ աչքս ուներ այլ խնդիրներ, բայց նա երևի չափազանց զբաղված մարդ էր,որ մանրամասն հետազոտեր, հասկանար։ Ինձ այդ փաստը ետ պահեց այդ «բժշկի» մոտ հետագա այցերից։ Ժողովուրդ ջան, ուշադիր եղեք Ձեր առողջությանը ու աչքի լույսին։
2020թ֊ի 44 օրյա պատերազմից հետո, ձախ աչքիս տեսողությունը նորմալ էր աջ աչքումս երկտեսություն էր առաջացել, դիմեցի տիկին Ոսկանյանին , նա պնդեց ,որ իմ ձախ աչքս պետք է վիրահատվի։ վիրահատությունից հետո տեսնում եմ շատ վատ ։ <<բժշկուհու>> պատասխաններ էր( ինչա եղե որ, հեսա երկրորդն ել կանենք, հետո լազերով կհարթեցնենք , մեկա ձեը ձրիա) Դիմում եմ առողջապահության նախարարությանը ։ Ստուգել բոլոր այս փաստերը և որակազրկել այս <<բժշկին>>
Երբևէ հանդիպածս վատագույն «բժիշկը», ով կարող է երկու ամսական պուճուրին վիրահատելուց հետո կորել, և միայն կարողանան ծնողները կապի դուրս գան նրա հետ ծանոթի միջոցով։ Անմարդկային անտարբերություն նույն բալիկի երկրորդ վիրահատությունից հետո, այն դեպքում, որ բալիկի մոտ արյունահոսություն կար։ Երկար կարող եմ գրել նրա արած սխալների մասին, որը արդյունքում բերեց բալիկի աչուկի կուրացման։ Բայց խորհուրդ եմ տալիս կիլոմետրերով հեռու մնալ Լիլիթ Ալբերտի Ոսկանյանից։
Շատ դժգոհ ենք Լիլիթ Ոսկանյանի թե մասնագիտական , թե մարդկային որակներից: Հայրիկիս մոտ ախտորոշել էր կատարակտ և գլաուկոմա… Մինչև վիրահատությունը հայրիկիս տեսողությունը հենց ինքը գնահատել էր աջ աչքով 100 տոկոս, վիրահատության ենթակա՝ ձախով 60: Խոստացել էր, որ ամենաքիչը կպահպանվի տեսուղությունն այնքան, որքան կա, լավագույն դեպքում կավելնա ևս 10-20 տոկոսով: Արդյունքում, վիրահատությունից հետո հայրիկս վիրահատված աչքով այլևս չի տեսնում գույները, տեսողությունը հազիվ 20 տոկոս է, պատկերները մեկի փոխարեն մի քանիսն է տեսնում, աչքն անընդհատ կարմիր է, ունի ցավեր: Վիրահատությունից անցել է գրեթե մեկ տարի:
Փոքրիկս ծնվել էր բնածին գլաուկոմայով։ Այս բժիշկ կոչվածը վստահեցրել էր մեզ որ ԱՊՀ տարածաշրջանում լավագույն բուժօգնությունն են ստանում մեր հիվանդները, ու ցավոք սրտի վստահեցինք ու խափնվեցինք նրա խոսքերին։ Ոչ լիարժեք հետազոտություն, անգրագետ վիրահատություններ։ 2-րդ վիրահատությունից հետո երեխայի աչքը արնահոսել էր ու եղջերաթաղանթը լրիվ խամրել, ու պուճուրը ցավից չէր կարողանում աչքը բացել, ահավոր թույլ էր, իսկ նա վստահաբար ասում էր որ դա հետվիրահատական բարդություն չէ։ Ամեն անգամ երբ հարցնում էի եղջերաթաղանթի խամրած լինելու մասին ասում էր վատագույն դեպքում փոխպատվաստում կանենք։ Արդյունքում երեխայի աչքը մի քանի ամիս այդ վիճակում մնալուց հետո մեզ ասում է, որ պետք է ոսպնյակը հեռացնի, քանի որ ոսպնյակն առաջնային խցիկ է եկել և դա է պատճառը որ խամրել է աչքը։ Այդ չարաբաստիկ վիրահատությունից հետո ասում է որ աչքը առարկայական տեսողություն չի ունենա բայց լուսազգայուն կլինի։ Հենց հաջորդ օրը երեխային երկրից տանում ենք Մոսկվա, Գելմգոլցի կլինիկա, որտեղ 6 պրոֆեսոր հետազոտելուց հետո ասում են որ աչքը որպես օրգան գոյություն չունի, քանի որ սուբատրաֆիայի է ենթարկվել, ու լուսազգայունության մասին խոսք անգամ գնալ չի կարող, և աբսուրդ էր գիֆեմայի ենթարկված աչքից ոսպնյակ հեռացնելը։ Արդյունքում 1 տարեկան աղջիկս անվերադարձ կորցրել է մեկ աչքի տեսողությունը այդ չարագործի թեթև ձեռքով։
| Տեղադրվել է 4/28/2023