Գրանցվել |
Մուտք | Գրանցվել Որպես Բժիշկ

Գնահատեք բժիշկ Անուշ Ալեքսանյանին

Բժիշկ Անուշ Ալեքսանյանի Գնահատականները

5
Անձ
5
Ճշտապահ
5
Արդյունք
5
Գիտելիք

Անուշ Ալեքսանյանին դիմել եմ ինձ մտերիմ մարդկանցից հիացական կարծիքներ լսելուց հետո: Ինձ մոտ այնպիսի վիճակ էր, որ կարծես ես այս աշխարհում չէի, շուրջս կատարվող նույնիսկ ամենաերջանկացնող իրադարձությունները ինձ չէին ուրախացնում, ես ձևացնում էի, թե ուրախ եմ, բայց ներսս ահավոր անհանգիստ էր ու անհույս: Անտարբեր էի դարձել իմ հիգիենայի, արտաքին տեսքի, շրջապատող ամենահարազատ ու սիրելի մարդկանց հանդեպ: Մազերս թափվում էին, ճնշումս բարձրանում էր ամեն օր, խոսում էի նվնվալով, չէի ուզում տանից դուրս գալ կամ հանդիպել որևէ մեկի հետ: Աշխատունակությունս զրոյական վիճակում էր: Անուշի հետ զրույց-քննարկումներից հետո աշխարհը շրջվեց ինձ համար, ես սկսեցի տեսնել կյանքի լավագույն կողմերը: Ես նորից ծնվեցի 2018թ. աշնանը: Ինձ մոտ դրական փոփոխությունները սկսվեցին ներսից, իսկ հետո աստիճանաբար սկսվեց, և դեռ շարունակում է փոխվել արտաքինս: Մազերս նորից սկսեցին աճել, դեմքիս ճպիտ հայտնվեց, ձայնս դարձավ ինքնավստահ, տնային գործերս անում եմ արագ և կազմակերպված, զգացմունքներս արթնացել են շատ երկարատև քնից, մոռացել եմ իմ ճնշման դեղի անունը, գլխիս մեջ կարգուկանոն է հաստատվել, կրկին սիրում եմ կյանքը: Խոնարհվում եմ և ողջ կյանքովս երախտապարտ եմ Ձեզ, սիրելի անուշիկ Անուշ Ալեքսանյան: Մարդիկ, մի թողեք, որ անիմաստ տխրությունն ու հուսահատությունը տանջեն ձեզ, դիմեք գրագետ, կրթված, հաճելի ու համակրելի հոգեբան Անուշ Ալեքսանյանին:

| Տեղադրվել է 1/25/2019

5
Անձ
5
Ճշտապահ
5
Արդյունք
5
Գիտելիք

Անուշ Ալեքսանյանին ,որպես մանկական հոգեբան վաղուց եմ հեռակա ճանաչել ու հետևել նրա գործունեությանը։ Որպես բժիշկ ,ով որոշ չափով տիրապետում է հոգեբանությանը , բարձր եմ գնահատել նրա մասնագիտական կարողություններն ու շատերին ուղղորդել նրա մոտ։ Եվ երբ մի օր ինքս կարիք ունեցա հոգեբանի ,առանց վարանելու դիմեցի նրան։ Անուշ Ալեքսանյանը ոչ միայն պրոֆեսիոնալ է իր աշխատանքի մեջ ,այլ նաև հիանալի Մարդ ։ Մարդ ,ում հետ հոգեթերապիան դառնում է հաճելի,թեթև,լուսավոր , չնայած որ դրա ընթացում բազմաթիվ ցավոտ ,տհաճ , անցանկալի իրավիճակներ են վերհիշվում և վերլուծվում։ Շնորհակալ եմ նրան կյանքիս նոր որակի համար։

| Տեղադրվել է 1/17/2019

5
Անձ
5
Ճշտապահ
5
Արդյունք
5
Գիտելիք

Անուշին դիմել եմ հետծննդաբերական դեպրեսիայի խորացման և կյանքիս բոլոր ոլորտներում տարածվելու պատճառով: 5-6 օնլայն խորհրդատվության ընթացքւմ Անուշը հիշեցրեց և սովորեցրեց ինձ գնահատել այն, ինչ ունեմ: Ինձ մոտ արդեն խնդիրների մի կծիկ էր գոյացել, որն ինձ փոխել, բոլորովին նյարդային ու գուցե նաև անտանելի էր դարձրել… Անուշի ջերմ, պարզ, միևնույն ժամանակ լավագույն մասնագիտական մոտեցումներն ինձ օգնեցին դառնալ ավելի լավ մայր, ավելի համբերատար ու կյանքը վայելող կին: Մեր հանդիպումներն ինձ ավելի շատ ուրախացնում և ստիպում էին լիաթոք ծիծաղել սխալներիս վրա, ուղորդելով դեպի ճիշտ ճանապարհը…Հենց դրա համար եմ շաաաաատ շնորհակալ Անուշին, նա այն մասնագետն է, ում հետ զվարճանում ես, սովորում ես կյանքի գույները նորից նկատել, անկեղծանում ու ուղղություն ես խնդրում: Եթե ունեք որևէ անհանգստություն, կամ ուզում եք սովորել ինչպես ստանալ կյանքից ավելին, ապա առանց վարանելու դիմեք Անուշին, նա լավագույնն է իր ոլորտում :

| Տեղադրվել է 10/31/2018

5
Անձ
5
Ճշտապահ
5
Արդյունք
5
Գիտելիք

Երկար տարիներ է արդեն բնակվում եմ Հայաստանից դուրս։ Էստեղ դիմեցի հոգեբանի, սակայն շատ պրակտիկ լուծումներ առաջարկեցին՝ կամ բաժանվել կամ վերադառնալ հայրենիք։ Բացի արտաքին ազդեցություններից, ունեի նաև ներանձնային, ներընտանեկան խնդիրներ, որոնց պատճառով հայտնվել էի շատ խորը հոգեբանական ճգնաժամի մեջ, ամեն օրը ավարտին հասցնելը շատ մեծ ջանքեր էր պահանջում։ Էստեղ դիմեցի հոգեբանի, սակայն շատ պրակտիկ լուծումներ առաջարկեցին՝ կամ բաժանվել կամ վերադառնալ հայրենիք։ Մեր՝ ամուսիններիս միջև խնդիրները սկսել էին արդեն դառնալ նաև երեխայինը։ Անուշի հետ հոգեթերապիայի արդյունքում սկսեցի վերգտնել այն արժեքները, որոնք պրոբլեմները սրբել տարել էին՝ թողնելով միայն կենցաղը և կենցաղայինը, վերգտնել տվյալ իրավիճակը սթափ գնահատելու ունակությունը, որոշ չափով ազատվել մեղքի զգացումից և դիմացինին մեղադրելու սովորությունից։ Իմ կյանքում ոչինչ չի փոխվել, սակայն իմ վերաբերմունքը կյանքի հանդեպ Անուշի օգնությամբ փոխելուց հետո սկսել եմ մի փոքր վայելել կյանքը, ինքնստինքյան բարձրացել է ինքս իմ անձի նկատմամբ հարգանքը։ Երեխայիս հետ հարաբերությունները դարձել են ավելի հանգիստ։ Անուշի խորհուրդների շնորհիվ երեխայիս ձեռքբերումները իմը լինելուց բացի դարձել են հենց իրենը, որի շնորհիվ էլ ավելի լավ արդյունքներ ենք ունենում։ Շատ ուրախ եմ, որ հանդիպեցի Անուշի նման գրագետ մասնագետի։

| Տեղադրվել է 10/2/2018

5
Անձ
5
Ճշտապահ
5
Արդյունք
5
Գիտելիք

Անուշին դիմելու հիմնական շարժառիթը եղել է մշտական տագնապի զգացումը և վերջին շրջանում դրա սրացումը: Տագնապի զգացումը ուղեկցվում էր կպչուն մտքերով (ինձ կամ հարազատներիցս մեկի հետ "վատ բան" կպատահի), կյանքից հաճույք ստանալու անկարողությամբ, հոռետեսությամբ, մշտապես անկումային տրամադրությամբ, ծայրաստիճան մեղքի զգացումով և այլն: Անուշի հետ աշխատանքի շնորհիվ անհամեմատ փոխվել է իմ կյանքի որակը. վերագտել եմ ներքին խաղաղությունն ու ներդաշնակությունը (որոնք կորցրել էի վերջին 10 տարիներին), դարձել եմ լավատես, կարողանում եմ հաճույք ստանալ ամենափոքր մանրուքից/իրադարձությունից, վերացել են անկազմակերպվածությունը, ծուլությունը: Նաև շատ կարևոր մի բան. կարողանում եմ գնահատել ինքս ինձ և ավելի արդյունավետ կառուցել հարաբերություններս շրջապատի հետ: Դրական փոփոխությունները իսկապես շատ են, բոլորը անհնար է թվել կամ բառերով նկարագրել, դա նկատում են նաև հարազատներս, ինչի համար անսահման շնորհակալ եմ Անուշին: Չեմ կարող չնշել նաև, թե ինչքան հաճելի է եղել Անուշի հետ յուրաքանչյուր հանդիպումը. լուսավոր, խաղաղ ու շա~տ դրական անձնավորություն, ում հետ հանդիպումից հետո սկսում ես չափանզանց շատ սիրել ու գնահատել կյանքը: <3

| Տեղադրվել է 9/11/2018

Բաժանորդագրվել նորություններին